எந்த பொருளையும் கலையாக்கலாம்!

இது நீங்கள் நினைப்பது போல உண்மையான மடிக்கணிணி இல்லை. வெறும் அட்டைகளால் உருவாக்கப்பட்ட “டம்மி பீஸ்”. இப்படி கைகளில் எந்த பொருள் கிடைத்தாலும் அதை அழகிய கலைபடைப்பாக மாற்றும் பதினெட்டு வயது இளங்கலைஞன் சத்யா.

சத்யா உனக்கு சொந்த ஊர் எது? இப்போது என்ன செய்கிறாய்?

திருப்பத்தூர். பள்ளிக்கல்வியை முடித்து விட்டு சென்னையில் ஒரு விளம்பர நிறுவனத்தில் வேலை செய்கிறேன்.

எப்படி இப்படி ஒரு ஆர்வம் ஏற்பட்டது?

சின்ன வயசிலேருந்து எனக்கு படம் வரையிறது ரொம்ப பிடிக்கும். ரொம்ப நாள் கல்ர் பென்சிலும் ஸ்கெட்சும் பயன்படுத்தி வரைந்து கொண்டிருந்தேன். ஒரு கட்டத்தில் ஏன் இப்படி ஜங்க் மெட்டீரியல் வச்சு முயற்சி பண்ணக்கூடாதுன்னு தோணிச்சு. கலைப்பொருளாகவும் இருக்கும் அதேநேரம் உபயோகமாகவும் இருக்கணும் என்று நினைத்தேன்.

இப்படி ஜங்க் மெட்டீரியல் வச்சு முதலில் என்ன உருவம் செய்தாய்?

ஒரு டேபிள் லாம்ப் முதலில் செய்தேன். முழுக்க காகிதமும் அட்டைகளும் கொண்டு செய்தேன். உள்ளே பல்பு போட்டு எரியவிட்டால் மிக அழகாக இருந்தது.

உன் படைப்புகளை விற்பனை செய்கிறாயா?

 ஆமா மூன்று படைப்புகள் விற்றுருக்கின்றன.

வீட்டில் உன்னை உற்சாகப்படுத்துகிறார்களா?

ஆமா எங்க அம்மா என்னை ரொம்ப உற்சாகப்படுத்தினாங்க!

உன் எதிர்கால திட்டம் என்ன?

சினிமாவில் ஒரு கலை இயக்குனர் ஆகவேண்டும் என்பது தான் என் ஆசை.

நல்ல கலைஇயக்குனராக வர என் வாழ்த்துக்கள்!