க்ரியாவின் அழகியல்!

January 12, 2014 at 2:29 am Leave a comment

ram sir

எப்போதும் போல புத்தககண்காட்சியில் சுற்றிக்கொண்டிருந்தேன். முதல் நாள் ரவுண்ட் அப்பில் பொதுவாக நான் புத்தகங்கள் வாங்குவதில்லை. எந்த புத்தகங்கள் வாங்குவது என்பதை மனதில் குறித்து கொள்வதோடு சரி. கூடவே நண்பர்கள் மணி, ஜெயபாலன், ரோஹிணி, கணேஷ் இருந்தனர்.

புத்தக கண்காட்சிக்கு கிளம்பும் போது மந்தைவெளியில் மணியும், ஜெயபாலனும் வேலை செய்யும் அலுவலகம் சென்று கொஞ்சம் அளவளாவி விட்டு வர திட்டம். அவர்கள் இருவரும் புத்தகங்கள் மீது அவ்வளவு ஆர்வர்மில்லாதவர்கள். ஜெயபாலாவது பரவாயில்லை மணி புத்தகங்களின் அட்டையை தவிர எதையும் பார்ப்பதில்லை.  டீ குடித்து விட்டு திரும்பவும் அலுவலகத்துக்குள் நுழைய இருந்தவர்களிடம் சொன்னேன் “மச்சி உங்க பாஸ் கிட்ட நண்பனின் புத்தக வெளியீடு இருக்கு அதுக்கு போறோம்னு கிளம்பி வந்திடுங்க” என்றேன். அவர்களும் முதல் மாடிக்கு சென்று அதை சொல்லி பெர்மிசன் கேட்கவும் அவர்களின் பாஸ் எட்டி கீழே பார்த்தார். நான் மேல் நோக்கி பார்த்தபடி நின்றிருந்தேன். பாஸ் என்னைத்தான் எழுத்தாளர் என்று நினைத்து விட்டாரோ என்னவோ மேலிருந்து லேசாக எனக்கு கை காட்டுவது போலிருந்தது.

நண்பர் வா. மணிகண்டனின் புத்தகம லிண்ட்சே லோஹன் w/o மாரியப்பன் டிஸ்கவரி புக் ஸ்டாலில் வைத்து வெளியிடப்பட்டது. அட்டையை நான் வடிவமைத்ததால் எனக்கும் ஒரு புத்தகம் கிடைத்தது அதையே ஜெயபாலிடம் கொடுத்து “இது தான் நண்பரின் புத்தகம் என்று உன் பாஸ் கிட்ட காட்டிட்டு மறக்காம எடுத்திட்டு வா” என்றேன். யார் கண்டது ஜெயபாலின் பாஸ் வா.மணிகண்டனுக்கு பெருகிக்கொண்டே இருக்கும் பல்லாயிரம் வாசகர்களில் ஒருவராக இணையகூடும். ஏதோ நம்மால் முடிந்தது.

ஜெயபாலும், மணியும் இவ்வளவு புத்தகங்களை ஒரே நடையில் பார்த்து விட்ட கிறுகிறுப்பில் டயர்டாகி வேளச்சேரிக்கு வண்டியை கட்ட நானும் ரோஹிணியும், கணேஷும் தேடலை தொடர்ந்தோம்.

அப்போது தான் க்ரியா பப்ளிகேஷன்ஸ் ஞாபகம் வந்தது. ரோஹிணி அடிப்படையில் ஓவியர், கடந்த சில வருடங்களாக சில முக்கியமான புத்தகங்களுக்கு அட்டைகளும் வடிவமைக்கிறாள். நான் ரோஹிணியிடமும் கணேஷிடமும் க்ரியா பற்றி சொன்னேன். இன்று நாம் கானும் தமிழ் புத்தகங்களின் தயாரிப்பு தரத்துக்கும், அழகியல் அடிப்படைக்கும் அஸ்திவாரமிட்டது க்ரியா தான். குறிப்பாக க்ரியா ராமகிருஷ்ணன் என்னும் தனிநபர் தேடலும், உழைப்பும் என்று சொன்னேன்.

நானும் டிசைனர் என்பதால் க்ரியாவின் புத்தகங்களை எப்போதும் கண்காட்சியில் ரசித்து பார்ப்பேன். எனக்கு க்ரியா ராமகிருஷ்ணன் யார் என்பதே தெரியாது. க்ரியா ஸ்டால் எங்கே இருக்கு என்று ஆர்வம் காட்டினாள் ரோஹிணி. தேடிச்சென்றோம். அதன் ஸ்டால் டிஸ்ப்ளேயே மிக அமைதியான அழகியலுடன் இருந்தது.

நாங்கள் ஸ்டாலுக்குள் நுழைந்து புத்தகங்களை எடுத்து ஆர்வத்துடன் திருப்பி திருப்பி பார்த்தபடி விவாதித்து கொண்டிருக்கும் போது ஒருவர் எங்கள் பக்கத்தில் நின்று பார்த்து கொண்டிருந்தார். க்ரியாவின் புத்தகங்களில் எப்போதும் அவர்கள் புத்தகத்தின் தலைப்புக்கு பயன்படுத்திய FONTயே க்ரியா லோகோவுக்கும் பயன்படுத்துவார்கள். தனியாக லோகோ என்று ஒன்று இல்லை. அதுவும் எனக்கு சுவாரஸ்யமாக இருந்தது. சற்று நேரத்துக்குப்பிறகு எங்கள் பக்கத்தில் நின்றிருந்த ஆள் “நீங்களெல்லாம் டிசைன் ஸ்டூடன்ஸா” என்று கேட்டு பேச ஆரம்பித்தார்.

அவர்தான் க்ரியா ராமகிருஷ்ணன் என்று தெரிந்தது. எங்கள் ஆர்வத்தைப்பார்த்து அவருக்கும் உற்சாகம் ஏற்பட்டிருக்க வேண்டும். ஒவ்வொரு புத்தகத்தை பற்றியும் ஆர்வத்துடன் பேச ஆரம்பித்தார். குறிப்பாக ”குட்டி இளவரசன்” நான் ஏற்கனவே படித்திருக்கிறேன். அந்த புத்தகத்தைப்பற்றியும் அதன் ஆசிரியர் அந்துவான் து செந்த் எக்சுபெரி பற்றியும் அழகாக விவரித்தார்.

தாவோ தே ஜிங் புத்தகத்தின் தலைப்பு சீன எழுத்து வடிவத்தில் தமிழில் எழுதி இருப்பார்கள். அந்த வடிவத்தை உண்மையில் ஒரு சீன காலிஃகிராஃபி ஓவியரிடமே தமிழ் எழுத்துக்களை காட்டி எழுதி வாங்கியதை ராமகிருஷ்ணன் சொன்ன போது உண்மையில் ஆச்சரியமாக இருந்தது. அதன் பிறகு புகழ்பெற்ற க்ரியா தமிழ் அகராதியின் ப்ரெயில் வடிவ புத்தகம், குட்டி இளவரசன் ப்ரெயில் வடிவ புத்தகம் என்று ஒவ்வொன்றிலும் அவரின் ஆர்வமும் உழைப்பும் மேலும் அவரிடம் பிரமிப்பும், மரியாதையும் கொள்ள வைத்தன.

எல்லாத்துறையிலும் இப்படி சில முன்னோடிகள் இருக்கிறார்கள். சூழல் எப்படி கலங்கினாலும் அவர்கள் தெளிவாக இருக்கிறார்கள். தாங்கள் எடுத்துக்கொண்ட காரியத்தில் முழுமையை கொண்டு வருவதிலேயே தங்கள் முழு ஈடுபாடையும், உழைப்பையும் செலுத்துபவர்கள். அந்த வகையில் முன்னோடியனா க்ரியா ராமகிருஷ்ணன் அவர்களுக்கு என் வணக்கங்கள்.

 

Advertisements

Entry filed under: tamil advertising. Tags: , .

பயமே வணக்கம்! மஞ்சள் நிழல்

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


வாசித்தவர்கள்

  • 61,507 hits

அண்மைப் பதிவுகள்

நாட்காட்டி

January 2014
M T W T F S S
« Dec   Apr »
 12345
6789101112
13141516171819
20212223242526
2728293031  

%d bloggers like this: